သင်းကွဲငှက်တစ်ကောင်ရဲ့စိတ်

ကျွန်တော်လွမ်းနေခဲ့တာ
မီးတွေပျက်တဲ့ နေရာပါ။
ဘတ်စ်ကားတွေကြပ်တဲ့ နေရာပါ။
အမှိုက်တွေ ရှုပ်တဲ့နေရာပါ။
တကယ်တော့ ကျွန်တော်လွမ်းနေခဲ့တာ
ရန်ကုန်မြို့ပါ။
ကျွန်တော်လွမ်းနေခဲ့တာ
အေးမြတဲ့ လမင်းပါ။
နွေးထွေးတဲ့ ရင်ခွင်ပါ။
အားပေးတဲ့ စကားသံပါ။
တကယ်တော့ ကျွန်တော်လွမ်းနေခဲ့တာ
ကျွန်တော့်ရဲ့ မိခင်ပါ။
ကျွန်တော်လွမ်းနေခဲ့တာ
အလင်းရောင်ပေးတဲ့ နေမင်းပါ။
လမ်းပြတဲ့ ရှေ့ဆောင်ပါ။
ဆုံးမတဲ့ စကားသံပါ။
တကယ်တော့ ကျွန်တော်လွမ်းနေခဲ့တာ
ကျွန်တော့်ရဲ့ ဖခင်ပါ။
ကျွန်တော်လွမ်းနေခဲ့တာ
လုံခြုံတဲ့ အရိပ်ပါ။
အမောပြေတဲ့ နားခိုရာပါ။
စည်းလုံးတဲ့ အသိုက်ပါ။
တကယ်တော့ ကျွန်တော်လွမ်းနေခဲ့တာ
ကျွန်တော့် အိမ်ပါ။

In case of Fire

ရယ်စရာ ဟာသလေးတစ်ခုပါ။ ကျွန်တော်တို့ အမြဲစီးလေ့ရှိတဲ့ ဓာတ်လှေခါးတွေမှာ "In case of fire, do not use lift" လို့ရေးထားတာကို အားလုံးသတိပြုမိမယ်လို့ထင်ပါတယ်။ ကျွန်တော်တို့ ကျောင်းက တစ်ခုသော ဓာတ်လှေခါးမှာတော့ စာကြောင်းလေးတစ်ကြောင်းပိုနေပါတယ်။ အဲဒီစာက correction pen နဲ့ရေးထားတာပါ။ "In case of fire, do not use lift... USE WATER!!!" =)

Who are they?

မူလတန်းတုန်းက အဖြစ်အပျက်လေးတစ်ခုပါ။ တစ်တန်း၊ နှစ်တန်းလောက်တော့ရှိမယ်ထင်တယ်။ ကျောင်းကို မြို့နယ်ပညာရေးမှူးလာမယ်ဆိုတော့ ဆရာမက အတန်းထဲက ကလေးတွေကိုအင်္ဂလိပ်လို နည်းနည်းပါးပါး သင်ပေးထားတာပေါ့။ သူကဘယ်လိုမေးရင် ကျောင်းသားတွေကဘယ်လိုဖြေရမယ်ပေါ့။ ကံဆိုးချင်တော့ ကျွန်တော်အဲဒီနေ့က ကျောင်းမသွားဖြစ်ပါဘူး။ နောက်နေ့ကျောင်းရောက်တော့ သူငယ်ချင်းတွေကလည်းမပြောပါဘူး။ အဲဒါနဲ့ မြို့နယ်ပညာရေးမှူးလာပါလေရော။ အတန်းထဲရောက်တော့ ဆရာမနဲ့နည်းနည်းပါးပါး စကားလေးပြောတာပေါ့။ ပြောလည်းပြီးရော ဆရာမက ကျောင်းသားတွေဘက်ကို လှည့်ပြီးတော့ ကျောင်းသားတစ်ယောက်ကို ရွေးတာပေါ့။ အဲဒီနေ့မှာမှ ရှေ့ဆုံးမှာထိုင်မိတဲ့ ကျွန်တော်ကတော့ ကံဆိုးသူမောင်ရှင်ပေါ့ဗျာ။ ဆရာမကလည်း ကျွန်တော့်ကိုကြည့်ပြီးတော့ ယုံယုံကြည်ကြည်ပဲ မေးတယ်။ "Who are they?" တဲ့။ သေပါရောလားဗျာ။ ဘယ်သူတွေမှန်းတောင်မသိပါဘူး။ အဲဒါနဲ့ကျွန်တော်လည်း ကျွန်တော်သိတာပဲ ဖြေလိုက်တယ်။ ကျွန်တော်လည်းဖြေပြီးရော မြို့နယ်ပညာရေးမှူးမှာ အိနြေ္ဒမဆည်နိုင်ပဲ ခွက်ထိုးခွက်လန် ရယ်ပါလေရော။ ဆရာမကတော့ မျက်နှာကြီးကို နီနေတာပဲ။ ကျွန်တော်ဖြေလိုက်တာ သုံးလုံးထဲပါ။ "They are who?"..........

"ရင်လောက်မှန်းမှ ဒူးလောက်တင်" နှင့် "ဒူးလောက်တင်မှ ရင်လောက်ကျ"

အထက်ပါ စကားပုံ နှစ်ခုမှာ ဘယ်ဟာက အမှန်လဲ လို့မေးရင် ပထမဟာ အမှန်လို့ လူတော်တော်များများ ဖြေကြပါတယ်။ ကျွန်တော်လည်းမှားတယ်လို့တော့ မပြောချင်ပါဘူး။ ဒါပေမယ့် ပထမဟာက စကားပုံမဟုတ်ပါဘူး။ လူတွေပြောတဲ့ စကားသက်သက်ပါ။ တကယ့် စကားပုံ အစစ်အမှန်က ဒုတိယဟာပါ။ ဒီစကားဟာ ရှေးခေတ်မုဆိုးတွေ ကနေဖြစ်ပေါ်လာတဲ့ စကားပုံပါ။ ရှေးခေတ် မုဆိုးတွေဟာ ဒူးလေးကို အဓိကထားပြီး သုံးလေ့ရှိပါတယ်။ မုဆိုးတွေက ဒူးလေးပစ်ခါနီး လေးတင်ကြရပါတယ်။ အဲလို လေးတင်တဲ့အခါမှာ လေးကို ဒူးလောက်မှစတင်မှ ရင်ဘတ်လောက်မှာ လေးသွားကျတယ်လို့ပြောချင်တာပါ။ ဒူးအောက်မှ စတင်လျှင် ခါးကို တော်တော်လေးကုန်းရမှာ ဖြစ်ပြီးတော့ ဒူးအပေါ်ကစတင်လျှင်လည်း လေးမကျပဲရှိတတ်ပါတယ်။ မယုတ်မလွန်လုပ်ချင်းမှာ အစဉ်ပြေမှုကိုဖြစ်ပေါ်စေတယ်လို့ပြောချင်တာပါ။ တကယ့် စကားပုံရဲ့အဓိပ္ပါယ်ကလည်း ဒီအတိုင်းပါပဲ။ ပျက်အစဉ် ပြင်ခဏ ပါပဲခင်ဗျာ။ အားလုံးအမှန်ကို သိနိုင်ကြပါစေ။

ကလေးအတွေး

ကလေးအတွေးနဲ့မေးတဲ့မေးခွန်းတွေဟာ တစ်ခါတစ်လေမှာ လူကြီးတွေကို ဖြေရခက်စေပါတယ်။ အဲ လူကြီးတွေကလည်း "လူကြီး" ဆိုတဲ့ အားသာချက်ကိုသုံးပြီး ပြန်ဖြေတတ်ကြတယ်။ ကျွန်တော် အခုအထိမှတ်မိနေတဲ့ ငယ်ငယ်တုန်းကအဖြစ်အပျက်လေးတစ်ခုပါ။ ငယ်ဆို မူကြိုတက်ခါစ သုံးလေးနှစ်လောက်တော့ရှိမယ် ထင်တယ်။ ကျွန်တော်တို့အိမ်က ကျွန်တော့်အန်တီလေးက ကိုယ်ဝန်ရှိပါလေရော။ အဲဒါနဲ့ကျွန်တော်လည်း စပ်စုပြီးသွားမေးတာပေါ့။ အန်တီလေး ဘာလို့ဗိုက်ကြီးတာလဲပေါ့နော်။ အန်တီလေးလည်း ခေါင်းရှုပ်သွားတာနဲ့ ပြီးပြီးရောပဲဖြေလိုက်တာပေါ့။ သားဦလေးနဲ့အတူတူအိပ်လို့ ဗိုက်ကြီးတာပေါ့သားရဲ့တဲ့။ အဲ...ပြဿနာကအဲဒီကစတာပါပဲ။ မူကြိုက နေ့လည်အိပ်ချိန်မှာ ယောက်ျားလေးနဲ့ မိန်းကလေးနဲ့ တူတူအိပ်ရတာကလား။ ကျွန်တော်လည်း အန်တီလေးကို ပြဿနာရှာတော့တာပေါ့။ မူကြိုမှာ ကျွန်တော်နဲ့တူတူအိပ်တဲ့ မိန်ကလေးတွေကော ဗိုက်မကြီးဘူးလားလို့ပေါ့။ အန်တီလေး တော်တော်ဖြေရကြပ်သွားတယ်။ နောက်ဆုံးတော့လည်း သူတို့လက်နက်ပဲသုံးရတော့တာပေါ့။ သြော်သားရယ် သူတို့ကငယ်သေးတာကိုးတဲ့။ အဲဒီတုန်းကတော့ အတွေးတစ်ခုရှိတယ်။ "သြော်... တော်သေးတာပေါ့ ဆရာမတွေပါ ငါတို့နဲ့မအိပ်လို့.."

ZERO

သင်္ချာအတန်းထဲက အဖြစ်အပျက်လေးတစ်ခုပါ။ ကျွန်တော်အရမ်း ကြိုက်တာနဲ့ရေးဖြစ်သွားတာပါ။ သင်္ချာ တစ်ပုဒ်ကို ဆရာမကရှင်းပြရင်း အဖြေကို ဆရာမကမေးတယ်။ အဖြေကတော့ အကြွင်း သုံညပါ။ အဲဒါကို အတန်းထဲက တစ်ယောက်က "nothing" လို့ဖြေတယ်။ သူပြောချင်တာက ဘာမှမကျန်တော့ဘူးပေါ့။ ဆရာမက ပြုံးတယ်။ ပြီးတော့ သုံည လေးရေးပြပြီးတော့ ပြောတယ် "Zero is not nothing. It is juz something we neglect most of the time" တဲ့.......

အဖေ

ဘာရယ်မဟုတ်ပါဘူး ဒီနေ့ကျောင်းကအပြန် အိမ်အောက်မှာ ကလေးလေးတစ်ယောက်ကို သူ့အဖေက စက်ဘီးစီးသင်ပေးနေတာကို မြင်တာနဲ့ ကျွန်တော်လည်း ကျွန်တော့်အဖေကို သွားသတိရတယ်။ ကျွန်တော့်ကို စက်ဘီးစီးသင်တော့ ကျွန်တော် ငါးတန်း ခြောက်တန်းတောင် ရောက်နေပြီ။ ကျွန်တော်တို့မိသားစု နယ်ကိုခရီးသွားတာ အဲဒီနယ်မှာလည်း စက်ဘီးပဲသုံးကြတာဆိုတော့ ကျွန်တော်လည်းစက်ဘီးစီးဖို့ပူဆာတာပေါ့။ ကျွန်တော့်အဖေ လည်းမငြင်းရှာပါဘူး။ ကျွန်တော်မှတ်မိတယ် အဲဒီတုန်းက မြစ်ကမ်းစပ်လေးမှာ တောင်ကုန်းလေးရှိတယ်။ အဖေက အဲဒီတောင်ကုန်းလေးပေါ်ကို ကျွန်တော်နဲ့စက်ဘီးကိုမသွားပြီး သူကကိုင်ပေးပြီး တောင်ကုန်းလေးပေါ်ကတွန်းဆင်းတယ်။ ကလေးဆိုတော့ ဇွဲနဲ့မရမချင်းပေါ့။ နှစ်ရက်သုံးရက်လောက်နေတော့ တတ်သွားပါလေရော။ ကျွန်တော်အခုမှစဉ်းစားမိတယ်။ ကျွန်တော်ကိုရော စက်ဘီးပါ တောင်ကုန်းပေါ်ကို အကြိမ်ပေါင်းများစွားတွန်းတင်ရတဲ့ အဖေတော့အီစိမ့်နေမှာပဲလို့။ သြော် အဖေ အဖေ တစ်ချက်လေးတောင် မငြီးရှာပါလား........